Fransa Prezidenti Emmanuel Makronun 25 sentyabr tarixində BMT Baş Assambleyasında çıxışı zamanı, “Azərbaycanın Ermənistana təzyiqləri və ərazi iddiaları şəraitində Fransanın Ermənistanla çiyin-çiyinə dayandığı” fikirləri Fransanın həm ölkəmizə, həm də ümumilikdə sülh prosesinə göstərdiyi qərəzli ermənipərəst yanaşmanın növbəti nümunəsidir.
Diaspora.TV xəbər verir ki, bunu Xarici İşlər Nazirliyinin mətbuat xidmətinin rəhbəri Ayxan Hacızadə BMT Baş Assambleyasında Emmanuel Makronun çıxışı zamanı Azərbaycan əleyhinə söylədiyi fikirləri şərh edərkən deyib:
"Ermənistanı revanşizmə hazırlayan, bu ölkənin geniş şəkildə silahlanmasını həyata keçirən Fransanın Azərbaycan tərəfini təzyiqlərdə təqsirləndirməsi qəbuledilməzdir. 30 ilə yaxın Azərbaycan ərazilərini işğal altında saxlayan, bir milyona yaxın azərbaycanlını öz doğma yurd-yuvasından didərgin salmış, kütləvi qırğınlar və insanlığa qarşı cinayətlər törətmiş, Ermənistan ərazisindən kütləvi şəkildə deportasiya edilmiş yüz minlərlə azərbaycanlının qayıdış hüququnu heçə sayan Ermənistanın sülhsevər qurban ölkə kimi təqdim olunması Fransanın apardığı siyasətin nə qədər ədalətsiz olduğunu nümayiş etdirir. Dünyanın bir çox yerlərinə münasibətdə xarici siyasəti iflasa uğramış Fransanın bölgəmizdə destruktiv fəaliyyətinə son qoymasını tələb edirik".
Sahib həşimov
Fransanın adı çəkilən yerdə ədalət sözünü işlətmək ədalətsizlikdir.Fransada ədalət düşüncəsi belə yoxdur.Fransanın siyasəti İYRƏNCdir. Bu "ədalətli" dövlət hələ də dünyanın bir neçə qitəsində müstəmləkə saxlayır və xalqları istismar edir.Napoleon Avropada xalqların başına nə oyunlar açmadı?İndi ədalətli fransa bu faşistin adına konyaklar və bir çox brendlər buraxır. Və fransanın bizə münasibəti də təəcüblü deyil.1988-ci ildən bizə qarşı sistemli olaraq antiazərbaycan mübarizəsi aparır.təsadüfü deyil ki o, ərəfədə mM deputatı "jak Şirak qudurub" demişdi. Heyif və təəssüf onların kilsələrinə, məktəblərinə və parklarına qoyduğumuz pullara.
26 Sentyabr 2024 10:26