Diaspora.TV-də yayımlanan "Müzakirə vaxtı"nın növbəti buraxılışında Azərbaycan mədəniyyəti və musiqisinin xaricdə təbliği məsələləri müzakirə edilib.
Verilişin qonağı, tarix elmləri doktoru, professor Minəxanım Əsədova olub.
M.Əsədova ilə festivalların, sərgilərin və konsertlərin Azərbaycan mədəniyyətini xaricdə necə tanıtması, xarici auditoriya üçün keçirilən Azərbaycan mədəniyyətinə aid tədbirlərin təşkilində mövcud çətinliklər, diaspora təşkilatlarının Azərbaycan mədəniyyəti və musiqisini təbliğ etməkdə rolu, xarici ölkələrdə milli mədəniyyətimizə maraq yaratmaq üçün nə kimi strateji addımlar atılması istiqamətində söhbət aparılıb.
