“1276 nəfərlik “Azərbaycanfilm” kinostudiyası fəaliyyət göstərmirsə, xaricdə yaşayan soydaşlarımıza hansı filmləri nümayiş etdirə bilərik? Kinostudiya var ki, film də olsun. Xəcalət çəkirik”.
Bu sözləri Diaspora.TV-yə açıqlamasında Xalq artisti Ənvər Həsənov deyib.
Aktyor bu gün Azərbaycanda kinoya qiymət verilmədiyini qeyd edib:
“Kinonu inkişaf etdirə bilmiriksə, biz niyə yaşayırıq? Xaricdə yaşayan soydaşlarımıza nə göstərəcəyik? Yenə yaxşı ki, 1990-ci ilə kimi çəkdiyimiz filmlər var. Bu gün ancaq həmin filmlər nümayış olunur. Mənim filmlərim nümayiş olunanda telefonum dayanmır, zəng-zəngə calanır. Biz həmin filmlərlə böyüdük”.
Ə.Həsənov vurğulayıb ki, 20 ildən sonra gələn nəslə təqdim etməyə film tapılmayacaq:
“O boyda bina fəaliyyətsiz qalıb. SSRİ vaxtında həmin binada il ərzində 9 film çəkilirdi. Hətta bir dəfə 13 film çəkmişdik. Kino ölüb, yoxdur”.
Jalə
Diaspora.TV
