RF Dövlət Dumasının sədri Vyaçeslav Volodin aşağı ixtisaslı əmək miqrantlarının ailələrini Rusiyaya gətirməsinə qadağa qoymağa çağırıb.
Diaspora.TV rus mediasına istinadla xəbər verir ki, deputatın fikrincə, Rusiya Federasiyasına gələn əcnəbi vətəndaşa görə məsuliyyət onu dəvət edən müəssisənin üzərinə düşməlidir.
Volodin qeyd edib ki, Rusiya qanunvericiliyində miqrantlara ailələrini özləri ilə aparmağa icazə verən “boşluq” var, ona görə də bu məsələ hazırda müzakirə olunur.
“Əmək miqrantlarının ölkə qanunvericiliyinə və ənənələrinə riayət etməklə Rusiya iqtisadiyyatına kömək etmələrini təmin etmək lazımdır. Bu vəziyyətdə "heç bir problem olmayacaq", - deyə Volodin bildirib.
Qeyd edək ki, sentyabrın əvvəlində Rusiya Federasiyasının İstintaq Komitəsi 2024-cü ildə ölkədə əcnəbilər tərəfindən törədilən ağır cinayətlərin sayının 12% artdığını bəyan edib. Ümumilikdə, ağır cinayətlər də daxil olmaqla 23 847 cinayət törədilib.
