“Azərbaycan və Ermənistan arasında sülh prosesi hazırkı administrasiya və ABŞ dövlət katibi üçün həyati diqqət mərkəzində olaraq qalır və Vaşinqton administrasiyası səlahiyyətlərinin son gününə qədər onun üzərində işləməyə davam edəcək”.
Diaspora.TV-nin məlumatına görə, bunu ABŞ Dövlət Departamentinin mətbuat katibinin müavini Vedant Patel jurnalistlərlə keçirdiyi brifinq zamanı deyib.
O, Azərbaycan-Ermənistan arasında münasibətlərin nizamlanması üzrə danışıqlara və Vaşinqtonun bu məsələdə səylərinə toxunaraq bildirib: “Bu məsələ hazırkı administrasiya və dövlət katibi üçün həyati əhəmiyyət kəsb edir və biz vəzifədə olduğumuz son günə qədər bu məsələ üzərində işləməyə davam edəcəyik”.
Onun sözlərinə görə, ABŞ-nin dövlət katibi Entoni Blinken dəfələrlə çətin iş günlərində istənilən nəticənin əldə olunmasını gözləyib.
