İrqçi fars-molla rejimin həbs etdiyi əmək fəalı Şərifə Məhəmmədinin anası bazar ertəsi sosial şəbəkədə video yayımlayıb.
Diaspora.TV xəbər verir ki, bu barədə GADTB-nin Mətbuat Mərkəzi məlumat yayıb.
“Qızımı yeddi aya yaxındır aparıblar və ondan mənə heç bir xəbər vermirlər”-deyə Şərifə Məhəmmədinin anası bildirib.
Fəalın anası hakimiyyət nümayəndələrinə müraciət edib:
“Qızım Şərifənin günahı nədir, deyin! Onu həbsdə saxlamaq istəyirsiniz? Onu ev, ailə, uşaqları və əri gözləyir”.
Qeyd edək ki, Şərifə Məhəmmədi keçən il dekabrın 5-də həbs olunub və iyunun 10-da Rəştdə məhkəməsi keçirilib. O, siyasi təşkilatla əlaqədə olmaqda ittiham edilib.
