“23 Noyabr saat 20:00-da Bakırköy Cem Karaca Kültür Mərkəzində Azərbaycan rəqslərini və musiqilərini konsert proqramı ilə təqdim edəcəyik”.
Bu barədə Diaspora.TV-yə açıqlamasında Azərbaycan türkü, xoreoqraf, təşkilatçı Dəniz İme deyib.
D.İmenin sözlərinə görə, konsertdə çıxış edən azərbaycanlı rəqqaslar 6 qız və 6 oğlan olacaq:
“Azərbaycanlı rəqqaslar tərəfindən 4 və ya 5 rəqs proqramı nümayiş etdiriləcək. Bununla yanaşı azərbaycanlılardan ibarət bir qrup yığdım: qarmonda Ramin Hüseynov, nağarada Abbas Səfərov, klarnet-balabanda Nuran Bəkirov, kamanda Kamuran Həsənpur, zərb alətlərində Məftun Mehbalızadə ilə yanaşı İlkin Rəhimli və Məftun Səfərli də tədbirdə iştirak edəcək”.
Qeyd edək ki, sözügedən konsert proqramının 500 nəfərlik zalda keçirilməsi nəzərdə tutulub.
Xəyalə Zöhrab
Diaspora.TV
