Türkiyədə fəaliyyət göstərən Yenidən Rifah Partiyasının sədri Fatih Ərbakan hakimiyyəti İsraillə əlaqələri davam etdirdiyi iddiası ilə çıxış edib.
Diaspora.TV xəbər verir ki, bu iddianı səsləndirərkən adını siyasətçi qoymuş bu şəxs Azərbaycanın əleyhinə də əsassız ittihamlar səsləndirib.
Ərbakan Azərbaycan neftinin aylardır davamlı olaraq Türkiyə üzərindən İsrailə çatdırıldığını iddia edərək deyib:
"Niyə Azərbaycan nefti Türkiyə üzərindən İsrailə çatdırılır və bu neft niyə aylardır Bakı-Ceyhan neft kəməri ilə bizim ərazimizdən İsrailə gedir? Körpələri, uşaqları öldürən, qadınları qətlə yetirən, aylardır qətliam törədən İsrail ordusu öz tanklarını, döyüş təyyarələrini yanacaqla doldurur”.
Qeyd edək ki, SOCAR tərəfindən əvvəl də səsləndiirlmiş bu cür naşı və səbatsız çıxışlara cavab verilib.
Xatırladaq ki, Fatih Ərbəkan fəaliyyətini dayandırmış Rifah Partiyasının sədri, mərhum Nəcməddin Ərbəkanın oğludur.
