“Utair” Tümen və Surqutdan Azərbaycana uçuşların sayını artırıb.
Diaspora.TV xəbər verir ki, bu barədə sözügedən aviaşirkətin mətbuat xidmətindən bildirilib.
Rusiyaya məxsus “Utair” aviaşirkəti Azərbaycanın paytaxtı Bakıya Tümen və Surqutdan (Xantı-Mansiysk Muxtar Dairəsi, Xantı-Mansiysk Muxtar Dairəsi-Yuqra) reyslərin sayını artırıb.
Tümen-Bakı reysləri həftədə iki dəfə, çərşənbə və cümə günləri yerinə yetiriləcək. Təyyarələr Surqutdan Bakıya isə həftədə üç dəfə - çərşənbə, cümə və bazar günləri uçacaq.
Xatırladaq ki, bu ilin yanvar-may ayları ərzində “Utair”in xidmətlərindən təxminən 2,6 milyon sərnişin istifadə edib ki, bu da 2023-cü ilin eyni dövrü ilə müqayisədə 1,8% çoxdur.
