Türkiyənin TRT televiziyası Türk Dövlətləri Təşkilatı (TDT) haqqında sənədli film hazırlayıb.
Diaspora.TV xəbər verir ki, bu barədə təşkilatın “X” platformasındakı hesabında məlumat verilib.
Sənədli film Türk Dövlətləri Təşkilatının tarixinə işıq salır, onun mühüm nailiyyətlərini, strateji hədəflərini və üzv ölkələri ortaq tərəqqi yolunda birləşdirən gələcək perspektivlərini ortaya qoyur.
TDT bu mühüm layihənin hazırlanmasında göstərdiyi səylərə görə TRT-yə təşəkkürünü bildirib.
“Türk Dünyasının səsi olan TRT AVAZ-a bu mühüm sənədli filmi yayımladığı və geniş tamaşaçı auditoriyasına çatdırdığı üçün təşəkkür edirik”, - deyən təşkilat rəhbərliyi, həmçinin sənədli filmin rejissoru Nuh Bağcıya və onun fədakar komandasına da minnətdarlığını bildirib.
