Təbrizdən olan xanım jurnalist və ictimai fəal Fatimə Qulipur İran Polis Qüvvələrinin kiberməkana nəzarət bölməsinə çağırılıb.
Diaspora.TV xəbər verir ki, bu barədə o özünün sosial media hesabında məlumat yayıb.
Bildirilib ki, bu, Fatimə Qulipurun iyulun 8-i gecə saatlarında Təbrizdə əzadarlıq mərasimində baş verən və iki nəfərin ölümü, 25 nəfərin yaralanması ilə nəticələnən insidentlə bağlı məlumat yaydığına görədir.
Qeyd edək ki, iyulun 8-i gecə saatlarında Təbrizin Qaraağac məhəlləsində məhərrəmlik ayı münasibətilə keçirilən əzadarlıq mərasimində dava düşüb./GünazTV
