Tarix: 13 İyul 2024 20:55 | Baxış sayı: 272
Təbrizdə milli  fəala dəstək posterləri   yayılıb

Təbrizdə milli fəala dəstək posterləri yayılıb

Təbrizin ictimai yerlərində həbsdə olan milli fəal, tanınmış idmançı Kərim İsmayılzadəyə dəstək elan və posterləri yayılıb.

Diaspora.TV xəbər verir ki,bu barədə Abbas Lisani adına fəaliyyət göstərən "Telegram" kanalı məlumat yayıb.

Yayılan posterlərdə Kərim İsmayılzadənin həbsinin sifarişli və ədalətsiz olduğu bildirilib, onun sərbəst buraxılması istənilib.

Posterlərin üzərində "türk özgürlüyü yolunda ölümə doğru elə gedərik ki, ölüm bizdən qorxar" mətni yazılıb.

Qeyd edək ki, "insanları kiberməkanda zorakı hərəkətlərə təhrik və dəvət etmək"də günahlandırılan İsmayılzadə aprel ayının 17-də həbs edilib və 6 aylıq məhkumluq dövrünü yaşamaq üçün Təbriz həbsxanasına köçürülüb.

Bir neçə xəstəlikdən əziyyət çəkən fəal iyunun 25-də mədə qanaxması diaqnozu ilə polis nəzarətində xəstəxanaya köçürülüb./GünazTV

Şərhlər

Yaz...

İran İsrailin əmrlərini necə    icra edir?
Video Qalereya, Cənub vaxtı

İran İsrailin əmrlərini necə icra edir?