Gürcüstanın keçmiş prezidenti Mixael Saakaşvili parlament seçkisindən öncə bu ölkədəki azərbaycanlılara müraciət edib.
Diaspora.TV xəbər verir ki, bu barədə o, sosial şəbəkə hesabında paylaşım edib:
“Mənim əziz həmvətənlərim! Bu sizin həyatınızın ən əsas seçkisidir. Ayın 26-da qalib gəlməliyik. Sizi nə qədər çox sevdiyimi yaxşı bilirsiniz. Biz bərabər çox işlər görmüşük və irəlidə birgə görüləcək daha çox işlərimiz var. Vətənimiz Gürcüstanı əmin-amanlığa birgə çıxarmalıyıq. Heç nədən qorxmayın! “Sizin səsinizin heç bir əhəmiyyəti yoxdur və ya hökumət sizin kimə səs verdiyinizi biləcək” deyənlərə inanmayın. Rahat şəkildə seçkilərə gedin və 5 nömrəyə səs verin”, – deyə o bildirib.
