Hazırda xaricə səyahət edənlər mal və xidmətlərin haqqını ödəyərkən bəzi ölkələrdə “Mir” kartından, eləcə də Çinin UnionPay ödəniş sisteminin kartından istifadə edə və ya yerli bankda hesab aça bilər.
Diaspora.TV xəbər verir ki, bu barədə Rusiya Federasiyası Hökuməti yanında Maliyyə Universitetinin Ali İdarəetmə Məktəbi fakültəsinin əməliyyat və layihələrin idarə edilməsi kafedrasının dosenti Pavel Trifonov bildirib.
“Mir” kartları dünyanın dörd ölkəsində məhdudiyyətsiz qəbul edilir: Abxaziya, Cənubi Osetiya, Tacikistan və Belarus. Bank təşkilatlarının “Mir” sistemi ilə əlaqəsini inkişaf etdirən ölkələr - Venesuela, Laos və Kubadır. Qismən artan məhdudiyyətlərlə, ikinci dərəcəli sanksiyalar qorxusuna görə, bir sıra MDB ölkələri - Ermənistan, Azərbaycan və Qazaxıstan, həmçinin Vyetnam və Türkiyə kimi Rusiya Federasiyasının dost ölkələri kartların istifadəsini qəbul edirlər”, - deyə ekspert bildirib.
Onun sözlərinə görə, ruslar üçün xaricdə alternativ ödənişlərin əsas üsulları arasında hazırda bir neçə variant var: Çinin UnionPay ödəniş sistemi ilə kartlardan istifadə, yerli bank hesabı və kartın açılması (bu, bəzi MDB ölkələrində və Türkiyədə mümkündür), pul köçürmə sistemindən istifadə, nağd pul mübadiləsi.
Nikaraqua paytaxtında artıq Rusiyanın “Mir” ödəniş sisteminin kartlarından pul çıxarmaq mümkündür. Bu barədə Rusiya Federasiyasının Latın Amerikası ölkəsindəki ticarət nümayəndəsi Pyotr Pankratov məlumat verib.
