Rusiyadan deportasiya edilən 21 azərbaycanlı 2 gündür Domodedovo Hava Limanında saxlanılır.
Diaspora.TV xəbər verir ki, bu barədə xaricdə yaşayan azərbaycanlılara aid sosial şəbəkələrdə məlumat yayılıb.
Qeyd olunur ki, Azərbaycana uçan reys 2 gündür gecikdiyi üçün deport olunan soydaşlarımız çətin durumda qalıb. Belə ki, onlara dünəndən bəri yemək - içmək verilmir. Hətta tualetə belə buraxılmadıqları iddia olunur. Etiraz edənləri isə elektroşoka verirlər.
Bildirilib ki, azərbaycanlılar bu gün gecə saat 23.00-dan sonra nəzərdə tutulan reyslə yola salınacaq.
