Rusiyanın Leninqrad vilayətinin Lomonosovski rayonunda yolda münaqişə zamanı rəqibini tapança ilə hədələyən sürücü axtarışa verilib.
Diaspora.TV Rusiya KİV-nə istinadən xəbər verir ki, hadisə iyunun 27-nə keçən gecə Ropşa yaxınlığında baş verib. 28 yaşlı Malye Qorki kənd sakini polisə müraciət edib ki, “Volkswagen Polo” markalı avtomobildən silahlı düşüb və onu hədələməyə başlayıb.
Avtomobilin bir il əvvəl Rusiya vətəndaşlığını almış 54 yaşlı azərbaycanlıya aid olduğu müəyyənləşib. Kişi Lomonosov rayonundakı bağçılıq ərazilərindən birində yaşayır. Hazırda hüquq-mühafizə orqanlarının əməkdaşları onu axtarır.
