Rusiyada əcnəbilər tərəfindən törədilən cinayətlərin sayında azalma qeydə alınmaqda davam edir.
Diaspora.TV xəbər verir ki, bu barədə Daxili İşlər Nazirliyinin rəsmi nümayəndəsi İrina Volk özünün Telegram kanalında məlumat verib.
“2024-cü ilin 7 ayının yekunlarına əsasən cinayətlərin sayında 5 faizə yaxın azalma qeydə alınıb. Qanunsuz hərəkətlər edən miqrantların sayı 3,1% azalıb”, - deyə İ.Volk bildirib.
İ.Volk əlavə edib ki, miqrantlar tərəfindən törədilən ağır və xüsusilə ağır cinayətlərin sayı 9,2%, cinsi toxunulmazlığa qarşı cinayətlər - 2,5%, narkotik vasitələrin qanunsuz dövriyyəsi ilə bağlı qanunsuz hərəkətlər isə 21,7% azalıb.
"Rusiya Daxili İşlər Nazirliyinin həyata keçirdiyi tədbirlər xarici vətəndaşlar tərəfindən törədilən cinayətlərin sayında azalma tendensiyasını möhkəmləndirməyə imkan verib", - Volk bildirib.
