Qazaxıstan prezidenti Kasım-Jomart Tokayev azərbaycanlı Qəhrəman Sadiyevi “Şapaqat” medalı ilə təltif edib.
Diaspora.TV xəbər verir ki, Qazaxıstanın Almatı şəhərində yaşayan həmyerlimiz Qəhrəman Sadiyev Qazaxıstan Azərbaycanlıları Assosiasiyasının Almatı filialının sədridir.
Hüquq elmləri doktoru olan Q.Sadiyev gənc yaşlarından Qazaxıstanda yaşayır. Uzun müddət bu ölkənin Ədliyyə Nazirliyi orqanlarında, prokurorluq və məhkəmə sistemində müxtəlif vəzifələrdə çalışıb, Almatı şəhər məhkəməsində hakim olub.
Q.Sadiyev Qazaxıstanda Azərbaycan diasporasının qurulması və fəaliyyəti ilə bağlı mühüm işlər görüb, dəfələrlə Dünya Azərbaycanlıları Qurultayının iştirakçısı olub.
Qeyd edək ki, Q.Sadiyev əslən Yardımlı rayonunun Telavar kəndindəndir./dominant.az
