“Diasporada əsas problemimiz diaspor cəmiyyətləri arasında qoyulan ayrı - seçkilikdir”.
Bu sözləri Diaspora.TV-yə açıqlamasında “Xan qızı Nətavan Dünya İctimai Qadinlar Birliyinin" üzvü, Leninqrad Milli-Mədəni Muxtariyyatının Tosna şəhər üzrə rəhbəri Rəna Salmanova deyib.
R.Salmonava bildirib ki, diaspor cəmiyyətlərini birləşdirmək üçün onlara eyni gözlə baxmaq lazımdır:
“Mən Sankt-Peterburqda yaşayıram. Bildiyim və tanıdığım 5-6 Azərbaycan cəmiyyəti var. Bizim çətinliyimiz yoxdur, amma yaşıl pasport daşıyan həmvətənlərimizin miqrasiya məsələləri ilə bağlı çox ciddi problemləri var, əziyyət çəkirlər”.
R.Salmanova əlavə edib ki, əsas fəaliyyətləri Azərbaycan xalqının milli-mədəni dəyərlərini keçirdikləri tədbirlər əsasında çoxmillətli Sankt-Peterburqda yaşayan xalqlara çatdırmaqdır.
Xəyalə Zöhrab
Diaspora.TV
