Primorsk diyarında polis 25 yaşlı qızı zorlamağa cəhd edən 29 yaşlı miqrant Mıktırbek Saparovu saxlayıb.
Diaspora.TV rus mediasına istinadla xəbər verir ki, bu barədə RF İK-nin region üzrə istintaq idarəsi məlumat yayıb .
İddia olunur ki, avqustun 4-nə keçən gecə şübhəli şəxs həmin an zərərçəkənin yatdığı “Orxideya” istirahət mərkəzindəki evə daxil olub. Hücum edən şəxs onu zorlamağa cəhd etsə də, qurban ayılaraq müqavimət göstərib. Qaçış cəhdi də uğursuz alınıb və kişi qurbanın əri tərəfindən saxlanılıb. Nəticədə əcnəbi hüquq-mühafizə orqanlarının əməkdaşlarına təhvil verilib.
Saparova qarşı Rusiya Federasiyası Cinayət Məcəlləsinin 30-cu maddəsinin 3-cü hissəsi (“cinayətə hazırlıq”) və Rusiya Federasiyası Cinayət Məcəlləsinin 131-ci maddəsinin 1-ci hissəsi (“Zorlama”) ilə cinayət işi açılıb. Müstəntiqlərin fikrincə, həmin şəxs böyük ehtimalla Rusiyada qanunsuz olub.
Rusiya İstintaq Komitəsinin rəhbəri Yekaterinburqda əcnəbinin məktəbli qıza hücumu ilə də maraqlanıb. Rusiya İstintaq Komitəsinin rəhbəri Aleksandr Bastrıkin 11 yaşlı qıza təcavüz edən miqrant barəsində cinayət işinin açılmasını əmr edib.
Sosial şəbəkələrdə məlumat yayılıb ki, Yekaterinburqdakı evlərdən birinin həyətində Orta Asiya əsilli bir gəlmə yerli qıza təcavüz məqsədilə hücum edib. Hücum yerli sakinlər tərəfindən dayandırılıb.
Sverdlovsk vilayətinin İstintaq Komitəsi faktla bağlı prosessual araşdırma aparır.
