Polşa Azərbaycanlıları Şurası İdarə Heyətinin üzvləri Varşava İqtisadiyyat Məktəbində (SGH) keçirilmiş “Mədəni yaddaşımızda Qərbi Azərbaycan” adlı fotosərginin açılışında iştirak edib.
Bu barədə məlumatı Diaspora.TV-yə Polşa Azərbaycanlıları Şurasından veriblər.
Sərginin açılış mərasimində Varşava İqtisadiyyat Məktəbinin (SGH) rektoru, professor Piotr Vaxovyak, Azərbaycan Respublikasının Polşadakı səfiri Nərgiz Qurbanova və Qərbi Azərbaycan İcmasından sərginin koordinatoru Ülviyyə Zülfiqar çıxış ediblər.
Açılışdan sonra qonaqlar Qərbi Azərbaycan mətbəxinin ləziz təamlarından dadmaq imkanı əldə edib, fotosərgi haqqında ümumi mövzularda müzakirələr aparıblar.
Sərgini 25 oktyabr 2024-cü il tarixinədək Varşavada, al. Niepodległości 128 ünvanında yerləşən İqtisadiyyat Məktəbinin (SGH) “C” binasında ziyarət etmək mümkündür.
