Diaspora.TV yeni layihə ilə tamaşaçılarının görüşünə gəlir.
“Mübariz Əhmədoğlu ilə Cənub vaxtı” adlı yeni verilişdə Güney Azərbaycanla bağlı məsələlər diqqət mərkəzində olacaq.
Verilişin aparıcısı Mübariz Əhmədoğlu ilk verilişində bildirib ki, Diaspora.TV
Cənubi Azərbaycanda gedən proseslərə sağlam müdaxilə kursunu müəyyənləşdirib. O, bu layihəni milli nöqteyi-nəzərdən düzgün hesab edir:
“Çünki Azərbaycanın daxilində İranın əlaltılarına qarşı aparılan siyasət bu ölkənin müdaxiləsini sıfıra endirib. Amma indi İran hökumətinin apardığı siyasət, əsasən bu ölkədən kənarda yaşayan iranlılara, xüsusən azərbaycanlılara qarşı yönəlib”.
