Xəbər verdiyimiz kimi, Dünya Azərbaycanlılarının Beynəlxalq Fondunun (DABF) azərbaycanlı gənclərə “Xaricdə təhsil almaları üçün müraciət prosesinə dəstək” adlı layihəsinin ilk qalibləri artıq dünyanın müxtəlif ölkələrində dərslərə başlayıblar.
Layihənin qalibi olan gənclər Diaspora.TV-yə müsahibə veriblər. Növbəti müsahibmiz isə Nigar Əzizli olub.
N.Əzizli “University College London”da “MA Early Years Education” ixtisası üzrə təhsil almaq imkanı qazanıb.
Xatırladaq ki, birinci mərhələdə Fonda ümumilikdə 325 nəfər müraciət etmişdi. Müraciət edənlər arasından akademik göstəriciləri daha yüksək olan 30 gənc seçilmişdi. 30 gəncin də arasından Fondun Təhsil layihəsi 10 tələbə qazandı. Seçilmiş 10 nəfərdən (2-si müəyyən səbəblərdən gedə bilməyib) 8-i artıq dünyanın ən nüfuzlu universitetlərində DABF-ın təhsil layihəsindən istifadə edir.
ELAN
Dünya Azərbaycanlılarının Beynəlxalq Fondunun (DABF) 2-ci Təhsil Layihəsi oktyabrın 28-dən başlayıb. DABF bu il istedadlı 15 azərbaycanlı tələbəyə xaricdə təhsil alması üçün müraciət prosesini öz üzərinə götürəcək.
Layihə 3 mərhələdən ibarət olacaq.
1-ci mərhələ: Qeydiyyat prosesi 28 oktyabr - 31 yanvar tarixlərini əhatə edəcək. Fondun təhsil layihəsindən faydalanmaq istəyən tələbələr bu tarixlər aralığında aşağıda göstərilən
link vasitəsi ilə qeydiyyatdan keçməlidir.
2-ci mərhələ: Müraciət edənlərin arasından akademik göstəriciləri və xarici dil biliklərinə əsasən 30 tələbə növbəti mərhələyə keçəcək.
3-cü mərhələ: 30 tələbə arasından Fondun Təhsil layihəsini qazanan 10 tələbə seçiləcək.
Layihənin məqsədi Azərbaycanın davamlı inkişafına fayda verəcək gənclərin dəstəklənməsindən ibarətdir.
