Bu həftə “Diasporla gündəm”imiz Niderlanddır. Qonağımız isə Niderlandda fəaliyyət göstərən “Birlikdə Güclüyük” Fondunun təsisçisi, həkim, tərcüməçi İlkanə Qocadır.
İ.Qoca maraqlı və iddialı açıqlamalarla çıxış edib.
Holland dilində fəaliyyət göstərən justiceforkhojaly.nl adlı veb-saytın fəaliyyətindən danışan İ.Qoca Niderlandda həm də Xocalı soyqırımına həsr olunan kitab dərc etdiklərini bildirib. Kitabın holland dilinə tərcüməsini və redaktəsini isə həyat yoldaşı Robert Van Den Berg edib.
İ.Qoca xaricdə yaşayan azərbaycanlılar arasında pərakəndəliyin səbəblərini də izah edib. Qeyd edib ki, diasporlara münasibətdə ayrı-seçkilik hər gün getdikcə daha da dərinləşir.
