Niyə xaricdə yaşayan latviyalılar hələ də müalicə üçün Latviyaya gəlməyi seçirlər? Uşaq Klinik Universiteti Xəstəxanasının (BKUS) Uşaq və Gənclərin Psixi Sağlamlığı Mərkəzinin rəhbəri Karīna Beynerte doqquz il Londonda yaşasa da, indi Latviyaya qayıdıb. "Böyük Britaniyada səhiyyə sistemi çoxpilləlidir. Belə ki, daha sadə hallar ümumi praktikantlara və rezidentlərə verilir, daha mürəkkəb hallar isə həkim-ekspertlərin nəzarətinə verilə bilər. Həkimin qəbuluna düşmək çox vaxt aparır".
Diaspora.TV xarici mediaya istinadla xəbər verir ki, Beynerte bildirib ki, Latviyaya qayıdanda rəsmi sistemlə yanaşı, qeyri-rəsmi sistemə uyğunlaşmaq bir az təəccüblü olub – özəl müəssisələrdə mütəxəssislərə çıxış daha rahat və sürətlidir.
Bəzən insanlar Britaniya tibb sisteminə də etibar etmirlər, çünki həkimlər bir sıra şərtlər üçün eyni ağrıkəsiciləri təyin edirlər. Beynerte etimada təsir edən dil amilinə də diqqət çəkib:
“Diasporadakı latviyalı həmvətənlərim arasında mütləq hiss etdim ki, latış dilində səhiyyə xidməti daha başa düşülən hesab olunur. Çünki tibbi terminlər və mürəkkəb diaqnozlar doğma dildə izah olunduqda başa düşülür".
Bəzən Latviya cəmiyyətində diaspor latviyalılarının burada müalicə alması ilə bağlı mübahisə də yaranır - “özümüz həkim qəbuluna düşə bilmirik, sonra xaricdən gələnlər bizim yaxşı həkim tərəfindən müalicə olunmaq şansımızı puç edirlər”.
Latviyanın Sağlamlıq Turizmi Klasterinin rəhbəri Qunta Uşpele bunu mif adlandırıb:
"Belə deyil. Bu əcnəbi xəstələr, şübhəsiz ki, xalqımızın yaxşı mütəxəssislərə çıxışına təsir göstərmir, çünki tibb müəssisələri çox açıq və çevikdirlər. Xarici xəstələrə hətta şənbə günləri və ya səhər altıda yerləşdirirlər ki, xarici xəstələrə görə yerli xəstələr mütəxəssissiz qalmasınlar”.
"Amma əgər söhbət həmvətənlərdən gedirsə, diqqətimizi onlara yönəltmişik və çox istəyirik ki, onlar Latviya ilə əlaqələrini itirməsinlər ki, onlar hər zaman nə vaxtsa Latviyaya qayıtmaq arzusunda olsunlar. Və buna görə də 2017-ci ildən, biz həkimlərlə kampaniya aparırıq. Məsələn, burada hər dəfə 7-8 müxtəlif növ mütəxəssis Böyük Britaniyanın, İrlandiyanın, Norveçin müxtəlif şəhərlərinə gedir, buradakı latviyalılara pulsuz məsləhətlər verirlər. Onlar səfərləri Latviyadakı xəstələrə xidmət göstərmələrinə təsir etmir. Həkimlər xaricdəki soydaşlarımızı müayinə etmək üçün xarici ölkələrə həftəsonları, adətən şənbə və bazar günləri gedirlər”.
Latviya İnvestisiya və İnkişaf Agentliyinin Turizm Departamentinin direktoru İnese Şiravan bildirir ki, diaspordan olanlar da daxil olmaqla sağlamlıq və ya tibbi turistləinr pulsuz xidmətə çıxışlarının olmadığı üçün özəl müəssisəlrə üz tuturlar.
Maraqlıdır ki, diaspor üzvləri ölkəyə baha başa gələn xidmətlər, məsələn, sonsyzluğun diaqnostikası və müalicəsi, süni mayalanma, arıqlama, plastik cərrahiyyə, diş müalicəsi və xüsusilə implantologiya kimi xidmətlər üçün gəlirlər.
Keçən il Latviyaya əsasən Böyük Britaniyadan 28 000 sağlamlıq turisti gəlmişdi, lakin onların hamısı diaspora deyildi, əksəriyyəti mədə kiçiltmə əməliyyatı və ya arqılama, həmçinin plastik cərrahiyyə üçün gələn Böyük Britaniya vətəndaşları idi.
