Kanada azərbaycanlıları şəbəkəsi “X” sosial şəbəkəsində məşhur youtuber Nuseir Yassinin Azərbaycanla bağlı postunu paylaşıb.
Diaspora.TV xəbər verir ki, Nuseir Yassin Azərbaycanda görülən işlərlə bağlı videogörüntülər paylaşaraq yazır:
“Yaşıl inqilab rəsmi olaraq hər yerdədir. Neft hasil edən ilk ölkə olan Azərbaycandan təzəcə qayıtdım. BƏƏ ilə böyük əməkdaşlıq sayəsində onlar ən böyük günəş parkını yenicə açdılar. Biz dünyanı belə dəyişirik”.
Kanadadakı soydaşlarımız isə yotuberin paylaşımına belə reaksiya veriblər:
“Bu, çox gözəldir! Azərbaycan BƏƏ ilə birgə tikilən təsirli Qaradağ Günəş Parkı kimi layihələrin hesabına 2030-cu ilə qədər ölkənin 30%-ni 100% bərpa olunan enerji ilə təmin etməyi planlaşdırır. Günəş və külək üçün neft və qaz! #yaşıltexnologiyalar”
