Ukraynalı aktyor İqor Zorovun qızı Marianna Kox-Zorova ABŞ-da keçirilən “Ms. World International 2024” gözəllik müsabiqəsinin qalibi olub. İsveçrənin ən böyük beynəlxalq şokolad şirkətinin maliyyə risklərinin idarə edilməsi şöbəsinin rəhbəri olan ukraynalı xanım dünyanın ən uğurlu qadınlarından biri kimi tanınıb.
Diaspora.TV Ukrayna mediasına istinadən xəbər verir ki, müsabiqədə dünyanın müxtəlif ölkələrindən 50 gözəl iştirak edib. Mayamidə baş tutan yarış 5 gün davam edib. Marianna okeanın o tayında öz gözəlliyi ilə yanaşı, müxtəlif sahələr üzrə istedadlarını və mürəkkəb iş üslubunu nümayiş etdirib, həmçinin işindəki uğurlarından danışıb.
“Bu müsabiqə təkcə müasir qadının uğuru, onun daxili gözəlliyi ilə bağlı deyildi, həm də onun xarici göstəriciləri ilə bağlı idi ki, mən fəxr edirəm ki, çətinliklərə sinə gələrək qızımı təkbaşına böyütsəm də, Ukraynanı bu səviyyəli əfsanəvi beynəlxalq yarışmada təmsil edə bilmək üçün özümdə güc tapdım. Xüsusilə bizim üçün belə çətin bir zamanda müasir qadının necə ola biləcəyini göstərdim. Eləcə də Ukraynanın gələcəyi və onun müstəqilliyi uğrunda mübarizə aparan cəbhədə olanlara “Mən inanıram ki, hər bir ukraynalı öz nailiyyətləri ilə bizim ümumi qələbəmizə töhfə verir”, - deyə ukraynalı gözəl bildirib.
Kox-Zorova gözəllik müsabiqəsində iştirak edərkən onun üçün ukraynalı dizayner Qalina Qribin yaratdığı mavi və sarı çalarlarda paltar seçib. Marianna, həmçinin yaxtada açıq çimərlik geyimlərində nümayiş keçirib və başqa çıxışı zamanı ukraynalı modelyer Yanis Stepanenkonun paltarında görünüb.
Qeyd etdiyimiz kimi, ukraynalı xanım İsveçrədə yaşayır. Modellik və şokolad şirkətində işləməkdən əlavə, o, könüllü kimi çalışır. Qadın vətəninin işğalını unutmur və ukraynalıları dəstəkləyir.
Xüsusilə, Marianna İsveçrədə Ukrayna diasporu və qaçqınlar üçün konsertlər, Ukrayna Moda Günləri və xaricdə Ukrayna Kino Günləri təşkil edir. Bu tədbirlərdə toplanan vəsait sayəsində Azov alayını maşınlarla təmin etmək, müharibədən zərər çəkmiş vətəndaşlara kömək etmək mümkün olub.
