İraqın Kərkük şəhərində dahi Azərbaycan şairi Məhəmməd Füzulinin adını daşıyan məktəbin təmirdən sonra açılışı olub.
Diaspora.TV xəbər verir ki, bu barədə Azərbaycanın İraqdakı səfiri Nəsir Məmmədov “X” hesabında məlumat yayıb.
“Bu gün Kərkük şəhərində yerləşən dahi Azərbaycan şairi Məhəmməd Füzuli adına ibtidai məktəbin açılış mərasimində iştirak etdik. Qeyd edək ki, M.Füzuli adına ibtidai məktəbdə Azərbaycan dövlətinin maliyyə vəsaiti hesabına əsaslı təmir və yenidənqurma işləri görülmüşdür”, - səfir qeyd edib.
Qeyd edək ki, bu məktəb ötən əsrin 70-cü illərində açılıb, bir müddət fəaliyyət göstərdikdən sonra bağlanmışdı.
