Diaspora.TV-də yayımlanan "Azərbaycanlılar dünyada" verilişində İraq türkmanları haqqında silsilə məlumatlar verməyə çalışacağıq. AMEA-nın Nizami Gəncəvi adına Ədəbiyyat İnstitutunun elmi işçisi Orxan İsayev bir neçə silsilə verilişdə İraq türkmanlarının az tədqiq olunan müxtəlif tərəflərini izləyicilərimizə təqdim edəcək.
Bu gün təqdim olunan verilişdə isə türkmanların İraq ərazində ilk dəfə məskunlaşması tarixindən, müxtəlif dövrlərdə Azərbaycandan İraq köç etmələrindən, Atabəylər, Buveyhilər, Qaraqoyunlular, Ağqoyunlular, Səfəvilər kimi Azərbaycan-türkman dövlətlərinin İraq ərazisində hökmranlığıdan, XVI əsrin II yarısından Osmanlı dövlətinin bu əraziləri fəth etməsindən, XX əsrin əvvəllərində qurulan İraq dövlətinin tərkibində qalan türkmanların oynadığı ictimai-siyasi roldan, onların vətəndaşlıq mövqeyindən qısa şəkildə bəhs olunur.
