Uzun müddətdir Türk dövlətlərinə qarşı təhqiramiz məzmunlar dərc edən “Entexab” saytı növbəti dəfə Azərbaycan və Türkiyə əleyhinə hədəflənmiş xəbər dərc etməklə İran rejiminin Suriya və Livandakı uğursuzluqlarını ört-bas etməyə çalışıb.
Diaspora.TV xəbər verir ki, saytın iddiasına görə, Türkiyə və Azərbaycan Suriyadakı hadisələrdən sonra Zəngəzur dəhlizindən istifadə edərək İranı geosiyasi cəhətdən təcrid etməyə çalışırlar.
Azərbaycanı öz ərazisi olan Naxçıvanla və Türkiyə ilə birləşdirəcək nəqliyyat dəhlizinin hansısa formada İrana qarşı yönələ biləcəyi iddiası İranda türklərə qarşı olan açıq paranoyanı göstərir.
Aydın görünür ki, “Entexab” media resursunun son dövlərdəki fəaliyyəti türk dünyası ölkələri arasında münasibətləri pozmağa və gərginliyi artırmağa yönəlib./Günaz.TV
