İranın “Shomanews” saytı yeni il ərəfəsində İran vətəndaşları üçün Tehran-Bakı istiqamətində uçuş biletlerinin xüsusi təkliflərini işıqlandırıb.
Diaspora.TV xəbər verir ki, saytda "Bakı şəhərinə ən ucuz qiymətə necə səfər etmək olar?", "şəhərin görməli yerləri haralardır?", "harada dincəlmək mümkündür?" kimi suallara cavab verilib.
İran vətəndaşları üçün yazılıb:
“Milad ərəfəsində Xəzər dənizinin kənarında gəzdiyinizi və dalğaların səsinə qulaq asdığınızı təsəvvür edin. Möhtəşəm arxitekturaya malik binalar sizi xəyallara aparacaq. Bakı qışın ortasında belə, isti və mehriban bir şəhərdir”.
İran vətəndaşları üçün qeyd olunub ki, bəzi turizm agentlikləri uyğun qiymətə təyyarə biletləri, otellər və bəzən də hava limanı transferləri daxil olmaqla, birləşmiş səyahət paketləri təklif edirlər.
