Mayın 15-də Niderlandda fəaliyyət göstərən Niderland Azərbaycan-Türk Mədəniyyət Dərnəyinin sədri İlhan Aşkının Haaqa şəhər Ağır Cəza Məhkəməsində növbəti məhkəməsi keçirilib.
Dərnək sədri özünün ictimaiyyətə etdiyi müraciətdə məhkəməyə əsaslı dəlil və sübutların təqdim olduğunu deyib. O, eyni zamanda Azərbaycan səfirliyinin və diasporun ona dəstək verməməsində şikayətlənib.
Diaspora.TV olaraq Niderland Azərbaycan-Türk Mədəniyyət Dərnəyinin sədri İlhan Aşkınla əlaqə saxladıq və yaranmış vəziyyətlə bağlı münasibət bildirməsini istədik. O isə öz növbəsində bildirdi ki, iki həftə sonra məhkəmənin yekun qərarı olacaq:
“Haaqa şəhər Ağır Cəza Məhkəməsinin mənimlə verəcəyi qərarı ictimaiyyət üçün açıqlayacam”.
Qeyd edək ki, İlhan Aşkın Niderland Krallığı Cəza Qanununun 137 c.1, 137 c.2, 137 c.47 maddələri ilə günahkar bilinir:
Belə ki, o, Haaqa bələdiyyəsi ərazisində təşkil etdiyi mitinqdə “ermənilər terrorçudur”, “ermənilər təcavüzkardır” kimi irqi ayrı-seçkilik yayan şüarlardan istifadə olunmasında ittiham edilir. İlhan Aşkına ikinci ittiham 26 fevral 2020-ci ildə mitinqdə çıxış edərək, ermənilərə səslənməsi və “Qarabağdan çıxın, oralar sizin torpağınız deyil! Oralar sizə məzar olacaq!” sözləridir. Bu ittiham Niderland Krallığının Cəza Qanununun 137 d-1, 137 d-2 və 47-ci maddəsilə (erməni irqinə qarşı üsyana təşviq etmə) təsbit olunub.
İlhan Aşkına üçüncü suçlama isə onun 5 iyun 2021-ci ildə öz sosial şəbəkə hesabında ermənilərin Qarabağda mina xəritələrinin Azərbaycana verilməməsi ilə bağlı yazdığı fikirlərdir. O öz statusunda qeyd edib ki, əgər Ermənistan mina xəritələrini Azərbaycana vermirsə, müharibədə əsir düşən erməniləri həmin minalı ərazilərdə gəzdirmək lazımdır.
Diaspora.TV
