"Hələb 350 yaraqlı tərəfindən ələ keçirilib. 30 minlik hökumət qoşunu və iranyönlü hərbi birliklər döyüşsüz geri çəkilib".
Diaspora.TV Rusiya mediasına istinadla xəbər verir ki, bunu Rusiya prezidenti Vladimir Putin birbaşa yayımlanan mətbuat konfransında bildirib.
“Silahlı müxalif qruplar Hələbə yaxınlaşdıqda şəhəri təxminən 30 min nəfərliq qoşun müdafiə edirdi. 350 silahlı şəhərə daxil oldu və hökumət qoşunları və iranyönlü adlandırılan birliklər döyüşmədən geri çəkildi, onlar sadəcə, öz mövqelərini partladıb getdilər”,- deyə o qeyd edib.
Putin qeyd edib ki, nadir istisnalar istisna olmaqla, eyni vəziyyət bütün Suriya ərazisində təkrarlanıb.
Putin həmçinin, Suriyanın keçmiş prezidenti Bəşər Əsəd Moskvaya gəldikdən sonra hələ onunla görüşmədiyini bildirib.
Putin qeyd edib ki, Əsədlə görüşməyi planlaşdırır.
"Mən prezident Əsəd Moskvaya gələndən sonra onunla hələ görüşməmişəm, amma bunu etməyi planlaşdırıram",- deyə Putin bildirib.
