“Azərbaycan dilli texnologiya və startap ekosistemi- SN Caucasus adlı təşkilatımız Gürcüstanda yaşayan soydaşlarımıza əsasən texnologiya və startap istiqaməntində dəstək olur”.
Bu sözləri
Diaspora TV-yə açıqlamasında Gürcüstanda fəaliyyət göstərən diaspor sədri Amil Bayramov deyib. O bildirib ki, Azərbaycanı, onun mədəniyyətini, adət-ənənələrini xaricdə tanıtmağa, azərbaycançılıq ideyasını təbliğ etməyə çalışırlar:
“Azərbaycan həqiqətlərinin çatdırılmasında da müxtəlif işlər görmüşük. Bununla bağlı müxtəlif onlayn və canlı görüşlər keçirmişik. Eləcə də tədbirlər təşkil etmişik”.
Diaspor sədri Azərbaycan diasporlarının aktivliyindən razı qaldığını da bildirib:
“Diasporamızda hər şey yolundadır. Sadəcə, elektron portal yaradılsa, yaxşı olardı. Daha çox bizim kimi gəncləri prosesə qoşulmalıdır. Könüllü olaraq həmişə xidmət etmişik. Bundan sonra da xidmət edəcəyik”.
Xəyalə Zöhrab
