Gürcüstandan olan bir qrup ictimai xadim Azərbaycanın mədəniyyət paytaxtı Şuşaya səfər ediblər.
Diaspora.TV xəbər verir ki, onlar Şuşada aparılan bərpa işlərinin gedişatı ilə tanış olublar. Şuşa qalası və Cıdır düzünü ziyarət ediblər.
Həmçinin, Xurşidbanu Natəvanın ev muzeyini, "Xan qızı bulağı"nı, Molla Pənah Vaqifin məqbərəsini və digər tarixi-mədəni yerləri gəziblər. Nümayəndə heyətinə qədim Azərbaycan şəhərinin tarixi haqqında ətraflı məlumat verilib.
Qeyd edək ki, Gürcüstandan Azərbaycana gələn nümayəndə heyətinin azad edilmiş ərazilərə səfəri oktyabrın 22-də başa çatacaq. Nümayəndə heyəti 3 qrupdan ibarətdir.
