Güney Azərbaycanın Ərdəbil şəhərindən olan milli-mədəni fəal Rəhim Noruzi Lincabad dünyasını dəyişib.
Diaspora.TV xəbər verir ki, bu barədə milli fəallar məlumat yayıblar.
Bildirilib ki, milli-mədəni və keçmiş tələbə hərəkatı fəalı avqustun 15-də ürək tutması nəticəsində həyatını itirib.
Rəhim Noruzi Lincabad bundan əvvəl dinc mədəni fəaliyyətlərinə görə bir neçə dəfə saxlanılıb.
O, 2017 və 2018-ci illərdə Savalan dağı və Babək qalasında keçirilən mədəni mərasimlər zamanı həbs edilib.
Mədəni fəal Ərdəbil Universitetində təhsil aldığı vaxtlar da fəaliyyətlərinə görə təzyiqlərlə üzləşib./GünazTV
