“Fix Music”in yeni layihəsi azərbaycanlı müğənninin ifasında - VİDEO
“Müğənni Səidə Quliyevanın “Fix Music” musiqi şirkəti tərəfindən işıq üzü görən yeni ifası “Keçən il” türk pop musiqisinin müasir enerjisini Ferdi Tayfurun dərin sevgi sözləri ilə birləşdirərək dinləyiciləri nostalji və ritmik səyahətə çıxarır”.
Bu sözləri Diaspora.TV-yə müsahibəsində Türkiyə və Azərbaycan İş Qadınları - “TurkAz” Platformasının prezidenti Yeganə Quliyeva deyib.
Y.Quliyeva bildirib ki, musiqi sahəsində diqqəti cəlb edəcək layihələri yayımlamağı qarşısına məqsəd qoyan “Fix Music”in bu həyəcanverici əsəri bu gün bütün rəqəmsal platformalarda tamaşaçılarla görüşəcək.
“Sözləri Ahmet Selçuk İlkan və Ferdi Tayfura, musiqisi Ferdi Tayfura aid olan mahnını Can Atayılmazın aranjiman edib, klipin rejissoru Sehar Dawndır. Türk musiqisinin əfsanəvi adı Ferdi Tayfurun unudulmaz misralarından ilhamlanan “Keçən il”, “Dünyanın sərvətini neyləyim?” kimi təsirli sözləri ilə sevginin vazkeçilməzliyini, ayrılığın izlərini hiss etdirir. “Sən burda olmasan?" Tayfurun dərin lirikasını güclü bas və canlı elektron teksturaları ilə birləşdirən trek dinləyicilərdə emosional həsrət yaşadır və coşğulu ritmi ilə musiqinin axınına təslim olmağa imkan verir. İstanbulun izdihamlı küçələrində keçirdiyi xatirələrdən bəhs edən "Keçən il" trendlər siyahısında yer almağa hazırdır”.
