"Diasporla gündəm"in növbəti buraxılışı Suriyada baş verən rejim dəyişikliyinə və bölgədə yaşayan türkmanlara həsr edilib.
Verilişin qonaqları Dünya Azərbaycanlıları Konqresinin Avropa ölkələri üzrə koordinatoru Əli Hacı və politoloq Oktay Qasımov olub.
Müzakirələr zamanı Suriyada Bəşər Əsəddən sonra baş verən hadisələr, bu ölkədə yaşayan türkmanların gələcək taleyi və proseslərin Cənubi Qafqaza təsiri imkanlarına toxunulub.
Bildirilib ki, Suriyada baş verən hadisələrdən sonra Azərbaycan prezidenti İlham Əliyevin Türkiyə prezidenti Rəcəb Tayyib Ərdoğanla telefon danışığı, hər iki ölkənin Suriyanın dirçəldilməsi istiqamətində fikir mübadiləsi rəsmi Bakının mövqeyi nöqteyi-nəzərindən əhəmiyyətlidir.
