Ukraynanın Dnepropetrovsk vilayətinin Krivoy Roq şəhərində məktəblilər arasında “Azərbaycanı tanıyaq və tanıdaq” mövzusunda keçirilən rəsm müsabiqəsinin qalibləri müəyyən edilib.
Diaspora.TV xəbər verir ki, bu barədə açıqlamanı Ukraynada yaşayan diaspor qurucularımızdan Eldar Tağıyev verib.
E.Tağıyev bildirib ki, şəhərdəki diaspor təşkilatımızın fəaliyyətindəki yeniliklər diqqətə layiqdir:
"Həmrəylik bayramımız ərəfəsində şəhərin məktəbliləri mükafatlandırıldı. Diqqəti çəkən bir məqam da o idi ki, müsabiqədə erməni əsilli şagirdin çəkdiyi rəsm də qaliblər arasında idi".
