Erməni-daşnak diasporu Bakıda keçiriləcək BMT-nin İqlim Dəyişikliyi Konfransı (COP29) öncəsi ölkəmizi gözdən salmaq üçün məkrli planlar hazırlayır.
Diaspora.TV xəbər verir ki, bu barədə Beynəlxalq Erməni Milli Komitəsi məlumat yayıb.
Erməni Milli Komitələr Şəbəkəsi (ANCA) və onun ofisləri COP29 ilə hər hansı şəkildə bağlı olan bütün hökumət, siyasi, sosial və media dairələrini əhatə edən xüsusi hazırlanmış proqrama başlayıb. Bu aksiyaların məqsədi COP29 ilə hər hansı şəkildə əlaqəsi olan bütün hökumət, siyasi, ictimai və media dairələrini “Artsax xalqı”nın geri qayıtmaq hüququnu vurğulamaqla yanaşı bir sıra absurd tələbləri ilə bağlı Azərbaycana təsir göstərməyə sövq etməkdir.
Erməni Milli Komitəsi hər kəsi ən azı bu dörd hashtagdan istifadə edərək müxtəlif dillərdə sosial mediada paylaşımlar etməyə təşviq edir: #COP29Expose, #COPout29, #COP29 və #COP29Azerbaijan.
Daşnak terrorçu şəbəkəsi bu kampaniyaya antiAzərbaycan qarayaxmaları və böhtanları ilə tanınan Beynəlxalq Cinayət Məhkəməsinin birinci prokuroru Luis Moreno Okamponu da cəlb etdiklərini bildirir. Daşnak şəbəkəsi tanınmış digər siyasi xadimlər və müxtəlif beynəlxalq təşkilatlara da müraciət edərək Bakıda keçiriləcək COP29 təşəbbüsünü boykot etməyə çağırıblar.
Hesab edirik ki, Erməni Milli Komitəsinin - ANCA-nın bu təşəbbüsünü beşikdə boğmaq üçün sosial şəbəkə platformaları vasitəsilə mütəşəkkil hücumlar təşkil olunmalı, onların səhifələri şikayət olunmalıdır.
Diaspora.TV olaraq Dünya azərbaycanlılarını beynəlxalq erməni terror şəbəkəsinin ölkəmiz əleyhinə hücumlarına qarşı səfərbər olmağa çağırırıq.
