Türkiyə ictimai-siyasi fikir tarixində mühüm rol oynayan Azərbaycan əsilli Hacı Əkbər Tufanın nəvəsi Əli Əkbər Tufan İğdırın Qurtuluşunun 104-cü ildönümü ilə bağlı keçirilən tədbirlərdə iştirak edib.
Diaspora.TV xəbər verir ki, İğdır valisi Ercan Turanın dəvəti ilə Millət Bağçasının 100. Yubiley Kitabxanasında təşkil edilən mərasimə qatılan Əli Əkbər Tufan "Zəfər Yürüşü"ndən sonra Şəhid Mehmet Çavuş Anıtı qarşısında təşkil edilən proqramda çıxış edib.
Əli Əkbər Tufan çıxışında İğdırın düşmən işğalından azad olunana qədər qəhrəmancasına döyüşən türk əsgərləri və yerli polis komandirlərinin şəhid olmalarına və o dövrdə yaradılmış yerli hakimiyyətin uğurlarına diqqət çəkib.
Əli Əkbər Tufan başda İğdır valisi Ercan Turan, vali müavinləri, Mədəniyyət Müdirliyi və digər qurum rəhbərləri olmaqla bayramda və anma mərasimlərində iştirak edən hər kəsə təşəkkürünü bildirib.
Tədbir İl Mədəniyyət Sarayında təşkil edilən 9-cu Korpus Orkestrinin konserti ilə başa çatıb.
