"Birlik-Milli Hərəkat" koalisiyasının parlament seçkilərində azərbaycanlı namizəd Ceyhun Məhəmmədəli (Narzalov) və partiya liderləri Telavidə azərbaycanlıların yaşadığı kəndlərdə əhali ilə görüşlər keçiriblər.
Diaspora.TV gürcü mediasına istinadla xəbər verir ki, seçkiqabağı təşviqat kampaniyasında liderlər qapı-qapı gəzərək, seçki proqramı ilə bağlı əhalini məlumatlandırıblar.
Ceyhun Məhəmmədəli bildirib ki, əhali ilə görüşəndə əmin oluruq ki, vətəndaşlar “Gürcü arzusu” rejiminin gətirdiyi yoxsulluqdan bezib.
Onun sözlərinə görə, vətəndaşlar əsasən işsizlikdən, hakimiyyətin ikinci dərəcəli yanaşmasından, yüksək cərimələrdən və narkomaniyadan şikayətlərini bildiriblər.
