Telegram-ın baş direktoru Pavel Durov ilə səyahət edən sirli sarışın "kripto təlimçisi" bu həftə sonu Fransada gizli texnologiya milyarderinin həbsindən sonra yox çıxıb. Ailəsi onunla əlaqə saxlaya bilmir.
Diaspora.TV xarici mediaya istinadla xəbər verir ki, 24 yaşlı Juli Vavilova, eyni zamanda strimerdir və Durovun saxlanmasından sonra Azərbaycandan paylaşdığı cazibədar şəkilləri ilə spekulyasiyaların mərkəzindədir.
Fransız tədqiqatçı Baptist Robert bildirir ki, Julinin paylaşımlarının onun həbsində birbaşa rol oynayıb-oynamadığını söyləmək çətindir, lakin onu sosial mediada izləyirsinizsə, Durovun harada olduğunu asanlıqla izləyə bilərsiniz.
Vavilovanın ailəsi AFP xəbər agentliyinə Durovun həbsindən sonra onunla əlaqə saxlaya bilmədiklərini bildirir.
Sosial şəbəkələrdəki paylaşmalarında Vavilovanın avqustun 21-də Durovun Azərbaycanda sürdüyü avtomobilin sərnişin kreslosunda əyləşdiyi görünür, iki şəkli eyni poliqonda, daha sonra isə ölkənin paytaxtında eyni oteldə yerləşdirilib.
Milyarderin nümayəndələri bu barədə hər hansı bir şərh verməyiblər.
