“Mənə elə gəlir ki, Milli Məclisdə ayrıca Diaspor məsələləri üzrə Komitənin yaradılmasına ehtiyac yoxdur”.
Bu sözləri Diaspora.TV-yə açıqlamasında Milli Məclisin deputatı Aydın Mirzəzadə deyib.
Deputatın sözlərinə görə, Milli Məclis icra strukturu deyil, qanunverici orqandır:
“Parlamentdə ayrı-ayrı istiqamətlər üzrə 15-ə yaxın komitə var. Beynəlxalq münasibətlər və parlamentlərarası əlaqələr komitəsi də o cümlədən diaspor fəaliyyəti ilə məşğul olur. Diasporla bağlı qanunvericilik təşəbbüsləri bir qayda olaraq Hüquq və Dövlət Quruculuğu və eyni zamanda Beynəlxalq münasibətlər və parlamentlərarası əlaqələr komitələrində müzakirə edilir”.
A.Mirzəzadə bildirib ki, dövlətin diaspor sahəsində siyasəti isə ümumən hökumətin parlament qarşısında hesabatında öz əksini tapıb:
“Deputatlar hökumətin ayrı-ayrı istiqamətlər üzrə fəaliyyəti ilə yanaşı, eyni zamanda diaspor siyasəti barəsində vaxtaşırı öz mövqelərini bildirirlər”.
Jalə
Diaspora.TV
