Rusiya İstintaq Komitəsinin (İQK) Belqorod vilayəti üzrə İdarəsi yerli Daxili İşlər Departamentlərindən birinin miqrasiya şöbəsinin keçmiş rəisinin cinayət işi üzrə istintaqı yekunlaşdırıb.
Diaspora.TV rus mediasına istinadla xəbər verir ki, hüquq-mühafizə orqanlarından verilən məlumata görə, söhbət 42 yaşlı Olqa Nikulinadan gedir.
“İstintaq orqanları tərəfindən toplanmış sübut bazası cinayət işinin təsdiq edilmiş ittiham aktı ilə birlikdə mahiyyəti üzrə baxılması üçün Novoskolski Rayon Məhkəməsinə göndərilməsi üçün yetərli hesab edilib”, - İstintaq Komitəsi əlavə edib.
İlkin olaraq sabiq şöbə rəisi yalnız vəzifə səlahiyyətlərindən sui-istifadədə şübhəli bilinirdi.
Müstəntiqlərin fikrincə, 2019-cu ildən 2023-cü ilə qədər müttəhim milli diasporların nümayəndələri vasitəsilə qeydiyyata ehtiyacı olan əcnəbiləri axtarırmış. Onun bildiyinə görə, Özbəkistan vətəndaşları qanuni əsas olmadan belə bir prosedura məruz qalıblar. Bu onlara Rusiyada işləmək üçün patent almağa imkan verib.
Bundan əlavə, istintaqın fikrincə, keçmiş rəis əcnəbiləri qanunsuz olaraq qeydiyyata salmış ruslar barədə material toplayıb onları da tələyə salmaqla məşğul imiş.
