"Ukrayna Dövlət Uçuş Akademiyasının rəhbərliyi Ukraynanın xalq deputatı Roma Qrişçukun, eləcə də Ukrayna Azərbaycanlılarının Birləşmiş Diasporu və Ukraynanın Azərbaycandakı səfirliyinin dəstəyi ilə auditoriyalarında birinə Aleksandr Kalyaninovun adının verilməsinə qərar verib. Auditoriyanın təşkili Ukraynadakı Azərbaycan diasporunun köməyi ilə həyata keçiriləcək".
Diaspora.TV xəbər verir ki, bu barədə məlumatı Ukraynanın Azərbaycandakı səfiri Yuriy Husyev verib.
Səfir bildirib ki, Ukrayna Azərbaycanlılarının Birləşmiş Diasporu Ukrayna Dövlət Uçuş Akademiyası və Ukraynanın Azərbaycandakı səfirliyi ilə birlikdə onun adına ayrıca təqaüdün verilməsi imkanını da nəzərdən keçirir:
"Aleksandr Kalyaninova adına təqaüd Kropivnitski Uçuş Akademiyasında təhsil alacaq Azərbaycan vətəndaşı olan gələcək pilotlar üçün nəzərdə tutulub. Bu addım həmin faciəli uçuşda 29 sərnişinin həyatını xilas edən qəhrəman pilotların xatirəsinin əbədiləşdirilməsindən ötrü atılacaq. Qoy ədalət zəfər çalsın, bu fəlakətin günahkarlarının hamısı ən ağır cəzanı çəksinlər".
Qeyd edək ki, bu gün Azərbaycan Respublikasının Prezidenti İlham Əliyev AZAL - "Azərbaycan Hava Yolları" QSC-nin dekabrın 25-də Qazaxıstanda qəzaya uğrayan təyyarəsinin ekipaj üzvlərini Azərbaycanın "Milli Qəhrəmanı" adına layiq görüb.
Təyyarənin sərnişinlərini xilas edən pilotlar arasında Aleksandr Kalyaninov da var. Aleksandr Kalyaninov Kropivnitsadakı Ukrayna Dövlət Aviasiya Akademiyasında magistratura pilləsini bitirib.
