“Diasporumuzun işi qənaətbəxşdir və diaspor təşkilatları azərbaycanın suverənliyi, dövlətçiliyi üçün əllərindən gələni əsirgəmirlər”.
Bu fikirləri Diaspora.TV- yə açıqlamasında turizm üzrə ekspert Rəhman Quliyev deyib. Onun sözlərinə görə diasporumuzun üzərinə diplomatik korpuslarımız qədər böyük məsuliyyət düşür:
“Şərqi Zəngəzurda və Qarabağda - Zəngilan, Laçın, Füzuli, Xocalıda 4 böyük hava limanının istifadəyə verilməsi turistərin cəlb olunmasına böyük töhfə verə bilər. Bu məsələdə diasporlarımızın üzərinə böyük iş düşür. Diasporun keçirdiyi beynəlxalq tədbirlərdə Azərbaycan turizm infrastrukturlarının tanıdılması qarşıda duran vacib məsələlərdən biridir. Eyni zamanda diaspor təşkilatları və üzvləri çıxış etdikləri bütün tədbirlərdə, turizmlə bağlı çıxış etmələri zəruridir”.
R.Quliyev qeyd edib ki, Azərbaycanın beynəlxalq səviyyədə nüfuzunun artması və masada söz sahibi olması turizm potensialımızın yaxşılaşmasına böyük təsir göstərir:
“Ölkə rəhbərliyinin apardığı uğurlu xarici, iqtisadi siyasət və eyni zamanda diplomatik korpus və diasporumuzun fəaliyyəti onu deməyə əsas verir ki, Azərbaycanı turizm ölkəsi kimi tanıdaq”.
Ekspertin sözlərinə görə, turizmin tanıdılması üçün diaspor təşkilatlarına informasiya dəstəyi verilsə, daha yaxşı nəticələr əldə etmək mümkündür:
“Azərbaycanın turizm potensialının dünyaya tanıtmaq üçün bütün lazımi vasitələrdən istifadə etməliyik. Eləcə də turizm şirkətləri ilə diaspor təşkliatları arasında informasiya mübadiləsinin aparılmasına zərurət var”.
Həsən Hüseynov
Diaspora.TV
