Ukrayna Silahlı Qüvvələr Günü münasibətilə Ukraynada yaşayan daha bir soydaşımız təltif olunub.
Diaspora.TV-nin Ukrayna bürosu xəbər verir ki, müharibə dövründə humanitar sahədə göstərdiyi xidmətlərinə görə soydaşımız Faiq Hüseynov “Ukrayna - Azərbaycan Müharibə Döyüşçüləri Qardaşlıq Cəmiyyəti” tərəfindən təltif edilib.
Soydaşımız “Millətin fəxri” və Kiyev şəhər Administrasiyası tərəfindən “Kiyev şəhərinin müdafiəsi” medallarıyla təltif olunub.
Qeyd edək ki, Faiq Hüseynov aktiv diaspor fəaliyyəti ilə fərqlənən, Ukrayna ordusuna və ehtiyacı olan ailələrə dəfələrlə yardımlar edən soydaşımızdır.
