Bu yay Dağıstan sakinlərinin xaricə səyahəti ötən illə müqayisədə 10 faiz çox olub.
Diaspora.TV rus mediasına istinadla xəbər verir ki, qonşu regionun əhalisinin turist və digər məqsədlərlə səfər etdiyi ölkələr arasında Azərbaycan ilk yeri tutur. Dağıstanlı səyahətçilərin 20%-dən çoxunun getdiyi ölkə Azərbaycan olub. Türkiyə və Səudiyyə Ərəbistanı müvafiq olaraq 17% və 15%-lə ikinci və üçüncü yerdədir.
Qeyd edək ki, Asiya istiqaməti populyarlıq qazanmağa davam edir:
"Asiya ölkələrinə turist axını keçən illə müqayisədə 1,5 dəfə artıb. Çin, Kamboca, Yaponiya və Taylanda səfərlərin sayında artım xüsusilə nəzərə çarpır. Çin turist axınının 1,5 dəfə artdığı Asiya istiqamətləri arasında liderə çevrilib".
Yaxın Şərq də Dağıstandan turistləri cəlb edir. İnsanlar bu yay Səudiyyə Ərəbistanına 16%, Türkiyəyə 9%, BƏƏ-yə isə 3% daha çox səyahət ediblər. BƏƏ səfərlərin sayına görə ilk 10 xarici ölkə sırasındadır.
Avropa istiqamətləri turist axınında cüzi artım nəzərə çarpır - cəmi 5%.
