"Birlik - Milli Hərəkat" koalisiyasının liderləri və üzvləri seçki kampaniyası çərçivəsində Laqodexi bələdiyyəsində yerli əhali ilə görüş keçiriblər.
Diaspora.TV gürcü mediasına istinadla xəbər verir ki, görüşlərdə koalisiyanın seçki siyahısında yer alan Ceyhun Məhəmmədəli (Narzalov) da iştirak edib.
Görüş zamanı o, partiya liderləri ilə birgə əhalinin suallarını cavablandırıb və öz platformalarını təqdim edib. O, görüşlərdə əhali əsasən işsizlikdən, narkomaniya və artan kriminal hadisələrdən şikayətləndiklərini bildirib.
